العلبه دى فيها ايه؟؟ فيها جدو

العلبه دى فيها ايه؟؟ فيها جدو

جدو لم يعد لاعب كره قدم ..جدو اصبح كارت يتم اللعب به ..بجد وبدون مجاملة الموضوع بقى سخيف..قلت مرارا وتكرارا من قبل ولا يريد احد ان يصدقنى ..جدو عامل زى على حميدة بتاع لولاكى لو فاكرينه..ولا اقلل من شأن ده ولا ده انا باوصف بس..مش معقولة الدنيا اتقلبت لما اكتشفنا انه لعب بالاتحاد ومضى قبل سفره لانجولا للزمالك ومكانش فى باله – ولا فى بالنا- انه هيفرقع كده فى انجولا 2010..وهاتك ياجدال عن هل جدو من حق الزمالك ام من حق الاهلى ..وسارعت الدنيا الحمراء كلها وتوسلت للزمالك ان يتركوا اللاعب ومصر وعاوزين نفرح بيه وبكأس افريقيا وياريت نؤجل كل ده ..لحد مالاهلى يتعاقد معاه (!!!!!) وبعديها..سرق الاضواء من فرحتنا بالكأس الثالثة على التوالى ..ودخل فى الكعكه مصيلحى..وسحب الولد من ايديه وعلى الفضائيات وهاتك ياتسويق..وتكرر الامر اليومين دول..رغم ان مصر كلها والدول المجاوره عارفه انه موقع عقدين مع الاتحاد والزمالك ..الا انه الجميع دفن رأسه فى الرمل ..ووقع العقد الثالث مع الاهلى ..وقامت الدنيا..وصرخ الرئيس عن بعد – ممدوح عباس- وتدرب اللاعب مع الاهلى وبدات حرب التراشقات والتصريحات بين الاهلاوية والزملكاوية..وهاتك ياتجريح فى اللاعب..وبينى وبينكم لا الزمالك ولا الاهلى محتاجين جدو ..ماعلينا من كل الكلام الفارغ ده..اللى انا عاوزه نبطل كل شوية نطلع على الرأى العام ونقوله العلبه دى فيها ايه؟؟..فيرد ويقول: سمير زاهر مبقاش رئيس الاتحاد ..فيضربه ويقوله لااااااا ...العلبه دى فيها :جدو.. ويعاود السؤال :العلبه دى فيها ايه؟؟ فيرد : مباريات كاس العالم... فيضربه ويصيح فيه :لاااااااااااااا..فيها جدو... ويرجع يسأله تانى :العلبة دى فيها ايه؟؟ فيرد : خالد سعيد..شهيد الاسكندريه...فيضربه بشده هذه المره ويقول :لاااااا فيها جدو.. خلاص حقكم عليا ..العلبه دى فيها جدووووووووووووووووووووووووووو.

العلبه دى فيها ايه؟؟ فيها جدو

[ندعوك للتسجيل في المنتدى أو التعريف بنفسك لمعاينة هذه الصورة]
اولا وقبل ما ارد على الموضوع
احب اشكر الدكتور هشام
على مشاركتنا وانضمامه الي فريق عمل الموقع
ويطيب خاطري بتواجده ولو بالقليل فهو لنا يمثل الكثير
وهو اقل ما يمكن ان اقوله

اما موضوع العلبة اند جدو
فالامر بحق اصبح مهزلة
والحقيقة انني لم اعد اطيق مجرد معرفة من انتقل الي اين ومن اعير ومن سيذهب
رغم ان من اصدقائي من يتابع انتقالات اللاعبين بلهفة شديدة
ولكني لا اعلم لماذا لم اعد اعبأ
واعتقد ان السبب في العلبة اياها

يا ترى يا هل ترى
العلبة فيها ايه [ندعوك للتسجيل في المنتدى أو التعريف بنفسك لمعاينة هذه الصورة] ؟

[ندعوك للتسجيل في المنتدى أو التعريف بنفسك لمعاينة هذه الصورة] فيها جدو يا مان
ولله الامر من قبل ومن بعد

تشرفت بموضوعك يا فندم
ولا تحرمنا من جديد كتاباتكم وتواجدكم الممتع
خالص تقديري واحترامي , , ,

» دراسة بريطانية: مصر أكثر دول العالم يتعرض فيها السياح "للإسهال"